šukar

Me dikhav tut sako džives, kaj te už hin but berša palal, me tut furt kamav but. So amen jekh than prožindam, sas but šukar. Me paťavas, hoj tu man čačes kamas, the me tut čačes kamavas. Kana tut dikhavas, sasom sar andro aver svetos. Kana šaj tut chudavas, sasom sar andro aver svetos. Kana amen šaj vakeras the deš hodin jekh drom, na achaľavas sar si oda možnos, the oda sakon džives. Amare duši sas sar te aven jekh. Ale na gelas oda avri. Me džanav, hoj sas but prekažki – the mandar, the tutar. Vždy tut phenavas, hoj te avas jekhthan the te man des jistota, šaj oda zvládninas. Ale na zvládnindam. Tu arakhľal aver manuš, the phenďal tuke, hoj hin oda lačheder the loker leskeha. Palal oda tu kamlas te avel pale ke mande. Ale me tut odmítninďom, bo už džanavas, hoj tut chudelas aver manuš. Tu leskeha ačhiľal the akana hin tumen rodina. The me som pal oda but radiš, the prajem tumenge čačes sasto the šťastno dživipen. Bo me tut furt kamav the nikda na kamav te tut dukhal, ani te dikhav sar tut na darol avri. Te ačhes šukar