Oxu

VERSE 1 Bir həyatımız var, yolları dar, nəfəs sıxılır Addımlar sürətli, istiqamət itir Bağça, məktəb, universitet, iş ev, dövrə bağlanıb Bu oyunda mənim olan, harada qalıb Ətdən sümükdən, oyuncağıq Yoxsa düşünən beyin, hiss edən varlıq Üzlər dəyişir, maskalar qat-qat Biri düşür, digəri daha qaranlıq Pul əlçatmaz, xəyallar sürgün Qapılar bağlı, içimdə azadlıq hökm sürür VERSE 2 Qaranlıqdır şəhər, zehnim ayıq Sözüm kəsərli, ruhum sayıq Tənhalıq ağır, amma məni gücləndirir Hər yıxılma, içimdə pillədir Üzlər içində, kim real kim yalan Hər baxış sinsi, hər söz palan HOOK Sözlərim qığılcım, düşüncələrim alov Hər misram aləm, hər flow yeni yol VERSE 3 Bu şəhər öyrətdi, susmağı mənə Hər kəs danışır, azı dinləyir Amma anlayanı yox Pul ön planda, dəyər arxada Vicdanlar satılır, bu zamanda Yatmaq işləmək yemək, həyat budurmu kim bilir? Hamı qaçır, hara getdiyini kim bilir Sual verən azdır, çoxu axına düşür Səhər işə axşam evə, zehin kilidə düşür VERSE 4 Gülüş arxasında, min yaralı ürək Neçə insanaları sındırdı çörək Neçə haqlını, əzdirdi gərək Dağıl dünya, bəlkə düzünü görək Dost dediyin, arxanca bıçaq atır Üzdə gülür, dostunu niyə satır HOOK Sözlərim qığılcım, düşüncələrim alov Hər misram aləm, hər flow yeni yol VERSE 5 Ulduzlar danışır, gecə mənimlə Sirrli dillərində Qanadlarım yox, uçuram kölgəm ilə Sözlərim yağış kimi Damcı-damcı, düşüncəyə düşür Hər hecam bir rəng Hər misram, qəlblərə toxunur Sözlərim qığılcım, düşüncələrim alov Hər misram aləm, hər flow yeni yol VERSE 6 Saatlar dənizə axır, balıqlar danışır Qapılar havada dönür, içimdə qalxıram Kitablar səhifə çevirir, baxıram Hər saniyə absurd, hər şeyi anlayıram Dünya laboratoriya, insanlar eksperiment Mən müşahidəçi həm iştirakçı Hər hərəkət yeni element Qorxu sevgi hirs, parametr Sınayıram onları Hər səhv patch Hər seçim rollback Ruhum yenilənir özü Xəyallar açıq, çıxış gizli Reallıq qat-qat Keçid tapmalıyam Kod oxunur Mən kodun bir parçasıyam Hər addım seçimimdir Gerçəklik məni yoxlayır