diverso

Nun ero strano… ero diverso. E Dio già ‘o sapeva. D’’a criatura tenevo ‘o cielo dint’ all’uocchie, cu ‘e pugne stritte e ‘e scarpe sporche. L’ate parlavano, io stavo zitto, ma dint’ ‘o core mio c’era ‘nu destino scritto. Me dicevano: “Statte quieto, fa’ ‘o normale”, ma io sentivo ‘nu fuoco ca nun more cu ‘o male. Troppo profunno pe’ chi guarda ‘a superficia, troppo sincero pe’ chi vive ‘e malizia. Quanno chiagnevo, chiagnevo sulamente, ma Dio m’ascoltava veramente. Ogne lacrema caduta ‘int’ ‘a notte mo è musica ca rompe ‘e porte. Pregavo: “Signò, damme ‘a forza quanno ‘a paura me stringe ‘a gola e me strozza. Si m’he fatto accussì, diverso ‘e ll’ate, allora famme capì pecché me chiamme.” Ogne “nun vale” me faceva male, ma diventava benzina pe’ nun me fermà. Si cadevo ‘nginocchio nun era caduta, era ‘a fede ca cresceva ‘int’ ‘a lotta. Song’ scelto dint’ ‘o dulore, aggio pavato ‘o successo cu core e sudore. Aggio passato ‘o scuro senza luce, mo ‘a voce mia è cchiù forte ‘e qualunque croce. Nun era sfortuna, era destino, Dio me teneva pe’ mano piano piano. Si mo me vedi alzà ‘a capa e cantà, è pecché nun m’aggio fatto spezzà. Aggio visto porte chiuse ‘nfaccia, gente ca rideva quanno cadevo ‘a terra. Aggio stretto ‘e riente pe’ nun tremmà, mentre ‘o munno diceva: “Tu nun ce fa’”. Ma dint’ ‘o silenzio sentivo ‘na voce: “Resiste ancora, nun perdere ‘a croce”. Ogne ferita è diventata forza, ogni caduta m’ha dato ‘na spinta cchiù grossa. Aggio capito ca essere diverso nun è ‘na colpa, è ‘nu verso. È Dio ca te sceglie pe’ fa’ luce addò l’ate vedono sulo ‘a notte. Quanno me guardo ‘int’ ‘o specchio e penso a chillu criaturo ca chiagneva ‘n silenzio, mo sorrido pecché aggio capito ca ‘o dulore era ‘o cammino benedetto. Song’ scelto dint’ ‘o dulore, figlio d’’o cielo, nato pe’ valore. Ogne cicatrice è ‘na medaglia ‘ncopp’ ‘o core, ogni sacrificio m’ha fatto cchiù forte. Si sente ‘a voce mia ‘mmiez’ ‘o viento nun è sulo talento. È Dio ca ha pigliato ‘o chianto mio e l’ha fatto diventà canto. E mo cammino senza paura, pecché ‘o dulore è diventato armatura.