Allohim, O’zingga shukurlar bo’lsin,

Allohim, O’zingga shukurlar bo’lsin, Taqdirimning nurli tuhfasi uchun. Niyatim ijobat, ko’nglim shodlikka to’lsin, Baxtimga nevaralar berganing uchun. Bobosiga sog’lik va kuch-quvvat ber, Oilamiz ustuni, mag’rur tog’imiz. Nabiralar quvonsin, «bobojonim» deb, U kishi — fayzimiz, sultonimiz. Buvijonning qalbiga nur va sabr ber, Duosi asrasin farzandlarini. Mehri bilan olamni munavvar etar, Avaylab o’stirar dilbandlarini. Aminajon — porloq quyosh nurimdir, Yo’llari har doim yorug’ bo’lsinlar. Anisajon — nafis ko’ngil gulimdir, Baxtu saodatga doim to’lsinlar. Imonnajon — yangroq sho’x kulgichimdir, Hayoti eng go’zal qo’shiqday o’tsin. Qizim Hilolajon — mening suyanchim, Baxt uni har qadamda chorlab yetsin. Allohim, so’rayman O’zingdan panoh, Ularga bergin sen uzoq, shirin umr. G’am-g’ussa ko’rmasin bu pokiza goh, Har bir kuningga ming bor shukur. Ota-onasi ham faxr etsinlar, Qizlarining kamolin ko’rib har doim. Uylarida doimo kulgu yangrasin, Seni panohingda asra, Ilohim! Ravshan Baqqozoda