Sekumbang tua udah jadi

Sekumbang tua udah jadi Begulai melaki bini, enda kala aku ngemana, Semua Pengurang ba pengidup tua, Aku Sempama baka daun rembia, ngelindung panchar mata panas, Baka payung meruan nimbun leka ujan. Aku ukai indu ti nadai pengurang, Tang aku meruan begulai enggau nuan, Aku baka tiang sukung ngetan ke rumah, Baka akar kayu beretan ngenan ka kayu tapang. aku simpan semua ba ati, Semua utai ka ulih ngemalu nuan, aku taruh dalam ati enda bemunyi, Awak ka Baka ambun pagi lenyau, lebuh mata ari ayan. Lebuh maya ati aku lemik baretan , Ukai laban aku enda sayau, Penyayau aku Baka besi di tempa api, makin teguh lebuh penguji datai. Ending Semina siti pinta aku, jaga meh ati aku, Nyema aku bisi penyilap, ajar meh aku enggau jaku manah, Laban aku meruan enggau nuan, maya tusah enggau senang ba dalam pengidup nuan.