Acoutez-nous mes gins vous tous les journalistes,

Acoutez-nous mes gins vous tous les journalistes, Vous qui êtes si galaffes de ragots , de rumeurs… Acoutez rédacteurs , chroniqueurs , humoristes, Psycholoques ou médecins, vous tous les professeurs. Toudis prêts à nous plainte, toudis premiers à braire, Vous qui n’avez pas d’mots assez noirs pour décrire, Note vie si misérape, note vie comme un calvaire, Note vie si peu inviape, note vie triste à mourir. un va vous dire un affaire Qui devrot pas trop vous plaire I fodrot comprinte quette cosse Ch’est qu’un n’a vraimint note dosse Tout partout i a de l’ misère, un est d’accord avec cha Si vous nous avez pas kaire, alors surtout n’vénez pas Sautez pas d’un l’ premier TGV pour vénir , Au moindre faits divers , au premier bruit qui queure , UN s’ débroulera sans vous , pas la peine d’ courir , Ch’est bien gentil à vous , merci du fond d’note cœur. Si dins vote tiête incore, toudis les mêmes clichés, Malgré tous nos efforts , berchent vot’ chervelle faindue, Si ch’est les mêmes décors, dins vot’ esprit bouché, Qui vous font croire que l’ Nord est un pays perdu Un va vous dire un affaire Qui devrot pas trop vous plaire I fodro comprinte quette cosse Ch’est Qu’un n’a vraimun notre dosse Ch’est d’accord Eveline Dhéliat, dins l’ Nord i fait jamais bieau Un te l’ deminte s’il te plaît , n’ parle pus d’nous din t’météo. A chés gins haut plachés , sans imagination , Qui pour faire d’ l’audience , pour faire grimper les scores Gagner des spectateurs , ou bi un les élections , Quand i n’ savent pus quoi dire , s’ mettent à parler du Nord. Vous qui pindint d’ z’années n’avez douté d’arien , Qui avez pinsé pour nous ,décidé d’ nou destin, un’n’a vraimint assez, un vous armercie bien, A s’ t’heure faut nous laicher , la suite nous appartient. Un va vous dire un affaire Qui devrot pas trop vous plaire I foudro comprinte quette cosse Ch’est qu’un n’a vraimunt note dosse Ch’est d’acord Dany Boon, dins l’ Nord i a que des babaches Alors reste un Amérique, parce que ch’est là qu’alle est t’plache. A cheusses qui pour faire rire ou s’ donner d’ l’ importance, Pasqu’ ils savent pus quoi dire , qu’ ils sont à court d’ idées Imitent note bieau langache , du haut d’ leur suffisance , Cheusses qu’ i sont nés baudé , et sont dev’nus bidet. Si note lanque alle écorche , vous z’ orelles trop sensipes , Ch’est pourtant l’seule manière, qu’un a trouvé d’ vous dire, Qu’un l’garde pas dins nous poche,cha n’ nous est pas possipe, L’patois un l’a kaire ,il est pas prêt d’mourir. Un va vous dire un affaire Qui devrot pas trop vous plaire I fodro comprinte quette cosse Ch’est qu’un n’a vraimun notre dosse Ch’est pas bieau d’ parler patois, un arviendra pas là d’sus Si vous voulez pas l’ intinte , vous nous interrogez pus. Ch’est pas bieau d’ parler patois, un arviendra pas là d’sus Si vous voulez pas l’ intinte , vous nous interrogez pus.