Shivaji, Rani Saibai, Marathi 5191

बाळपणी ती जुळली नाती, नवी संपदा आली हाती. जन्मोजन्मी माझी होती, ह्या जन्मीही इथे पुन्हा ती. ह्याला नशीब म्हणती. ह्याला नशीब म्हणती. ह्याला नशीब म्हणती. 1 दैवाची ही किमया भारी, तीच घडविते माया सारी. फलदायी ती व सुखकारी, चैतन्याला उजळविणारी. देवा पुढची पणती. ह्याला नशीब म्हणती. ह्याला नशीब म्हणती. 2 मंद ज्योत ती स्वतः जळते, मंगळ आभा ती झळझळते. दर्शन प्रभुचे ज्याने फळते, ती प्रियदर्शिनी हे मग कळते. भाग्यलक्ष्मी कण-कण ती. ह्याला नशीब म्हणती. 3 ती राधा ती सीता गौरी, ती मीता ती सजणी नौरी. सौभाग्यवती ती अर्धांगिनी, ऋद्धि-सिद्धि डुलवित चौरी. स्तुति-स्तोत्र गुणगुणती. ह्याला नशीब म्हणती. ह्याला नशीब म्हणती.