Anvan tan, anvan matyè, anvan son,Mwen li te yon y

Anvan tan, anvan matyè, anvan son,Mwen li te yon yon Limyè k ap viv nan Li menm.Pa t gen kòmansman, pa t gen fen,Men te gen yon Desen kache nan Fon Bondye. E Lespri a pale nan silans li:“Nan mwen gen yon Lavi ki vle parèt.”Se pa t bezwen… se pa t mank,Se te Lanmou k ap chèche revele tèt li. Mwen wè Konsepsyon an tankou yon grenn limyè,Kache nan Panse Letènèl la,Chaje ak desten, chaje ak imaj,Chaje ak yon pèp ki poko fèt. Bondye soufle… epi mistè vin souf,Envizib pran fòm,Sa ki te nan Lespri… antre nan lavi,E lòm leve kòm refleksyon Volonte Li. Men vwa a rele ankò:“Ou pa t fèt pa aza — ou soti nan Entansyon mwen.”Nan ou gen tras Desen orijinal la,Nan ou gen memwa Lavi ki pa janm mouri. Lè fènwa kouvri tè a,Konsepsyon an pa janm efase,Paske sa Bondye panse depi Letènite,Tan pa ka detwi li. Revele, O Lespri Letènèl,Desen ou te mete nan mwen an,Pou lavi mwen tounen pwofesi vivan,E egzistans mwen temwaye Entansyon ou. Paske mwen wè…Nan kòmansman te gen Konsepsyon,Nan Konsepsyon te gen Lavi,E Lavi sa a… se Bondye menm k ap revele nan mwen. Anvan limyè te klere sou vid la,Te gen yon Panse nan kè Letènèl la,Yon Konsepsyon ki te deja viv,Yon Entansyon ki te chaje ak lanmou. Bondye di: “Mwen vle pataje lavi mwen,”Se pa yon konsèy… se te plan,Se pa aza… se te volonte,Lavi soti nan lide Li avan li parèt. Li soufle… se pa sèlman pou egziste,Men pou moun pote imaj Li,Pou kè moun tounen tanp Li,Pou lavi Li miltipliye nan nanm vivan. Nan konsepsyon Li te gen limyè,Nan entansyon Li te gen relasyon,Li pa t kreye pou solitid,Li te kreye pou inyon ak Li menm.Menm lè lòm tonbe, plan an pa mouri,Entansyon an rete vivan nan favè,Paske depi orijin, Bondye te vle:Lavi Li vin lavi nou. O Sous entansyon ki pa janm chanje,Reveye konsepsyon ou nan mwen,Pou lavi mwen pa viv pou kont li,Men pou akonpli sa ou te panse depi letènite. Paske mwen pa yon aksidan,Mwen se yon volonte ki pran fòm,Yon konsepsyon ki vin souf,Yon lavi Bondye… k ap kontinye.