بوجميل يا بوجميل

بوجميل يا بوجميل غي الخلا و القيفار و الذيوبة و النعاج سارحين الطريق طويلة و الريزو عيّان الجبال و العڨبة والرَّكبة ماكانش التيليفيريك و الغْنَم يدور بوجميل عالية و زاهية بالريح يا درا البنيان و الكوزينة كيفاش ولَّى نْكَملوها بَبٌّوش و خٌبِّيز وكي ينوَّر الملح يبان يا التراكا ماتحَشّْموناش البينوار و التحراش بالبلاطر قالولي نخلَّص و الموقع مابانش كاين لي دفع و تهنَّى و كاين لي الأمر بالدفع ماجاهش واحد قريب مالخدمة و لاخر بعيد واش من كوطا راني واش من ايطاج ندِّي أَف طَرْوا ولّى أَف كاط واش من عام نسمعو خبر جميل و يقولونا كَمْلو في بوجميل ناس تلمسان فيها خير إن شاء الله غدوة لمفتاح و نكونو جيران نفرحو و نقولو الحمد لله